البابـاز (سفـاران كيـك) :

• المقادير :-

  75جم لبن (نصف فنجان) + 15جم خميرة فورية (ملعقة ونصف) + 100جم دقيق (كوب) + 20جم سكر (ملعقة كبيرة) + 5جم ملح (ملعقة صغيرة) + 1/2 كيلو سكر + 3 عصير برتقال + 2 عصير ليمون + 200جم بيض (4 بيضات) +90جم زبدة سايحة + الديكور (باسترى كريم + فريش كريم + فاكهة + جيلي تلميع .

• الطريقة :-

1- نذوب الخميرة في اللبن الدافئ ونضع الملح مع 20جم سكروتترك لتتخمر .
2- نضع الدقيق فى العجانة مع الزبدة ونضع عليه الخليط السابق ويعجن كويس جداً .
3- ثم نضع البيض واحدة واحدة ونقلب كويس جداً ، ولو مفيش عجانة نقلب بعلقة بلاستيك جامدة .
4- نأخذ الفورمة المستخدمة فى الكريم كراميل وتدهن بالزبدة وترش بالدقيق .
5- عندما يصبح قوام العجينة زى الأستيك توضع فى الفورمة وتترك لتتخمر مرة أخرى ثم تدخل فرن متوسط الحرارة على 190 درجة لمدة 45 دقيقة .
6- نحضر السيرب (لتر ماء + 1/2 كيلو سكر +3عصيربرتقال + 2عصيرليمون ) يغلى كويس قوى .
7- عندما تبرد نشيلها من الفورمة وتقلب ونشيل الوجه وتسقى بسيرب(شربات) ساخن ثم نرجعها الفورمة مرة أخرى وتشرب بالسيرب ونتركها تتشرب كويس جداً تم تقلب على صنية .
8- ثم تلمع بجيل تلميع ساخن ثم نحشى الفراغات بالسوبست كريم ونغطى الجناب (كيلو فريش كريم + 250جم باسترى كريم) .
9- ثم يجمل بالفاكهة وتلمع الفاكهة بجيل تلميع ساخن .