كيكـة الشيكـولاتـة (بـلاك فورسـت أو الغابـة السـوداء) :

• المقادير :-

5 ديسك (طبقات) كيكة أسفنجية بالشيكولاتة + 400جم فريش كريم (كريمة لبانى) + 300جم شيرى (كريز) مطبوخ أو فراولة + سيرب خفيف (شربات) + شيكولاتة ميلك سايحة + كاكاو بودرة + شيكولاتة بيضاء سايحة 

• الطريقة :-

1- نجهز فورمة أسطوانية الشكل مثل علبة سمنة مفرغة من الناحيتين مثلاُ .
2- نضع الطبقة الأولى من الكيك داخل الفورمة ونسقيها بالسيرب وتغطى بالكريمة ثم سيرى مطبوخ .
3- ثم نضع الطبقة الثانية ونسقيها بالسيرب ثم كريمة ثم شيرى .
4- ونستمر هكذا إلى أن تنتهى الكمية . 
5- بعد الأنتهاء ندخلها الفريزر .
6- نضع رخامة فى الفريزر لمدة ليلة كاملة ونسيح الشيكولاتة .
7- ثم نأخذ الشيكولاتة وهى ساخنة ونفردها على شكل مربع على الرخامة لحد ما تتجمد .
8- نضع أولاُ شيكولاتة بيضة خطوط عشوائية ثم نفرد عليها شيكولاتة اللبن .
9- نشيل الشيكولاتة من على الرخامة فى شكل مربع ثم نخرج الكيك من الفورمة ونلفها بمنديل الشيكولاتة .
10- وتجمل بوردات الشيكولاتة .